ԱՄՆ իշխանություններն օրակարգից չեն հանում Հյուսիսային Կորեայի հետ ուղիղ բանակցությունների հնարավորությունը, հայտարարել է ԱՄՆ պետքարտուղարի տեղակ Ջոն Սալիվանը:
Նրա խոսքերով, Վաշինգտոնը ցանկանում է խաղաղ ճանապարհով լուծել Հյուսիսային Կորեայի առաջադրած խնդիրը, սակայն ԱՄՆ-ն իր դաշնակիցներ Ճապոնիայի, Հարավային Կորեայի հետ պետք է պատրաստ լինի վատագույնին, եթե բանակցությունները տապալվեն:
Ավելի վաղ ԱՄՆ պետքարտուղար Ռեքս Թիլերսոնը Պեկինում հայտարարել էր Հյուսիսային Կորեայի հետ ուղիղ բանակցությունների հնարավորության մասին:
Ինչ վերաբերում է հարցի վերաբերյալ ԱՄՆ նախագահ Դոնալդ Թրամփի կարծիքին, ապա նրա համար դա ժամանակի վատնում է:
