CNN-ի հայտնի հաղորդավար Էնթոնի Բուրդենը հայտնվելու է Բաքվի սև ցուցակում, քանի որ այցելել է Արցախ՝ առանց ադրբեջանական իշխանությունների թույլտվության: Այս մասին հայտարարել է Ադրբեջանի ԱԳՆ պաշտոնական ներկայացուցիչ Հիքմեթ Գաջիևը:
Հայտնի հաղորդավարը Արցախ էր ժամանել այս տարի հոկտեմբերին իր հեռուստաշոուի համար նկարահանումներ կատարելու համար:
Այսպիսով Բուրդենը դառնում է հերթական արտասահմանցին, ով Արցախ այցելելու համար հայտնվում է ադրբեջանական սև ցուցակում, քանի որ Բաքուն իրեն ներշնչել է, որ Արցախ այցելելու համար անհրաժեշտ է իրենց թույլատվությունը:
