ԱՄՆ նախագահ Դոնալդ Թրամփը պահանջել է մահապատժի ենթարկել Նյու Յորքում ահաբեկչություն իրականացրած Սայֆուլո Սայիպովին:
«Նա 8 մարդ է սպանել, վիրավորել է 12 մարդու: Նա պետք է մահապատժի դատապարտվի »,-հայտարարել է Թրամփը:
Ավելի վաղ հայտնել էինք, որ Ուզբեկստանի 29-ամյա քաղաքացի Սայիպովը Նյու Յորքում բեռնատարով մխրճվել է մարդկանց բազմության մեջ՝ սպանելով 8, վիրավորելով 12 մարդու:
Սայիպովին մեղադրանք է առաջադրվել ահաբեկչություն կատարելու համար:
