Սաուդյան Արաբիայում թագավորական ընտանիքի անդամների ձերբակալությունից և ավիավթարի արդյունքում բարձրաստիճան չինովնիկների մահանալուց հետո Brent տեսակի նավթը կտրուկ թանկացել է՝ մեկ բարելի գինը սահմանելով մոտ 63 դոլար:
WTI տեսակի նավթը ևս թանկացել է: Նավթի այս տեսակի մեկ բարելն այժմ արժե 55,95 դոլար:
Ավելի վաղ տեղեկություններ էին հայտնվել, որ Սաուդյան Արաբիայում ուղղաթիռի կործանվելու արդյունքում մահացել է արքայազն Մանսուր բեն Մուքրինը:
Մեկ օր առաջ էլ հայտնվել էր 11 արքայազնի ձերբակալության մասին: Նրանց թվում է նաև երկրի ամենահարուստ մարդկանցից մեկը՝ Ալ-Վալիդ բին Թալալը:
Նրանք ձերբակալվել են հակակոռուպցիոն պայքարի շրջանակներում:
