Հոլիվուդյան աստղ Սիլվեսթեր Սթալոնեն հերքել է 1986 թվականին 16-ամյա աղջկա բռնաբարության մասին մեղադրանքները: Այս մասին TMZ-ին հայտնել է դերասանի ներկայացուցիչ Միշել Բեգան:
Նա նշել է, որ դա հորինված ու հիմար պատմություն է:
Ավելի վաղ The Daily Mail-ը գրել է՝ ինչ-որ կին հայտարարել է, որ 1986 թվականին Սթալոնեն իր թիկնապահների հետ Լաս Վեգասում բռնաբարել է իրեն, երբ ինքը 16 տարեկան է եղել:
Հատկանշական է, որ այդ կինը հրաժարվում է աշխատել իրավապահների հետ, մեղադրանք չի առաջադրել, ուստի իրավապահները չեն կարող որևէ գործողություն սկսել:
