Բրիտանական MI5-ի ղեկավար Էնդրյու Փարքերը հայտնել է, որ անվտանգության ուժերը կանխել են Միացյալ Թագավորության վարչապետ Թերեզա Մեյի նկատմամբ պատրաստվող մահափորձը, գրում է Independent-ը:
Պարբերականի տեղեկություններով, ձերբակալվել է երկու քաղաքացի, որոնց մեղադրանք է առաջադրվել ահաբեկչության մեջ:
Հայտնվում է նաև, որ հարձակումը պատրաստել են իսլամիստները:
Ավելի վաղ Լոնդոնի ոստիկանությունը հայտնել էր, որ 20-ամյա Նաայմուր Զաքարի Ռահմանին և 21-ամյա Մուհամմեդ Աքիբա Իմրանին մեղադրանք է առաջադրվել ահաբեկչության հետ կապ ունենալու մեջ: Սակայն Սքոթլենդ Յարդ մեկնաբանություններ չի տալիս, թե ինչ կապ ունեն վերջիններս Թերեզա Մեյի նկատմամբ մահափորձի հետ:
