Պարզվում է, որ հարուստների համար դրական էմոցիաների աղբյուրը հպարտությունն է և սեփական անձից գոհ լինելը:
Գիտնականները պարզել են, որ գումարի չափն ուղիղ կապ չունի մարդկանց երջանիկ լինելու կամ չլինելու հետ:
ԱՄՆ Կալիֆորնիայի համալսարանի գիտնականները հետազոտություն են անցկացրել, պարզելու համար, թե ինչն է երջանիկ դարձնում հարուստներին և ինչը՝ պակաս ունևորներին:
Հետազոտությանը մասնակցել է տարբեր եկամուտ ունեցող 1519 մարդ:
Պարզվել է, որ բարձր եկամուտ ունեցող մարդկանց համար դրական էմոցիաների աղբյուր հանդիսանում է սեփական անձից գոհ լինելը: Նրանց մեծ մասը նշել են, որ հաճույք են ստանում, երբ մարդիկ հարգում են իրենց: Իսկ ահա պակաս ունևորների համար կարևորը սերն ու կարեկցանքն է:
Ինչպես նշել է հետազտությունն իրականացնող գիտնականներից մեկը, արդյունքները ցույց են տալիս, որ փողը չի երաշխավորում երջանկություն, սակայն կարող է ազդել դրա վրա, թե ինչպես է այն արտահայտվում: