Հունվարի 17-ին, ժամը 10:51-ին տեղեկություն է ստացվել, որ Ապարան-Վանաձոր ավտոճանապարհին «Mercedes E200» մակնիշի ավտոմեքենան դուրս է եկել ճանապարհի երթևեկելի հատվածից և ընկել փոսի մեջ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Ապարան-Նիգավան ավտոճանապարհի մոտ 3-րդ կմ-ին «Mercedes E200» մակնիշի 90 TT 995 պետհամարանիշով ավտոմեքենան (վարորդ՝ Հ. Ղ.) դուրս է եկել ճանապարհի երթևեկելի հատվածից և կողաշրջվել մոտակա ձորակը. տուժածներ չկան:
Փրկարարներն ավտոմեքենան դուրս են բերել ձորակից և մոտեցրել ավտոքարշակին:
