Թուրքական զինված ուժերը հայտնել են, որ Սիրիայի հյուսիսում գտնվող Աֆրին շրջանում ռազմական օպերացիայի ժամանակ թուրքական բանակի զինծառայող է զոհվել: Այս մասին գրում է CNN Turk-ը: Վերջինս զոհվել է թուրքական Կիլիս նահանգում:
Ինչ վերաբերում է օպերացիայի ընթացքին, ապա թուրքական իշխանությունները հայտնում են, որ իրենց վերահսկողությունն են հաստատել Աֆրինում գտնվող 15 գյուղի նկատմամբ, որոնք գտնվում էին քրդերի հսկողության տակ:
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ լի է վճռականությամբ և չի պատրաստվում ընդհատել օպերացիան, քանի դեռ առաջ քաշված նպատակներին չի հասել: Նա նաև արդեն ասել է, որ Աֆրինով հարցը չի փակվելու և հաջորդ օպերացիան սկսվելու է սիրիական Մաջիբում, որը ևս գտնվում է քրդերի հսկողության տակ:
Հիշեցնենք, որ թուրքական զորքերը Սիրիա ներխուժեցին հունվարի 20-ին՝ նախ գործի դնելով հրետանին, ապա՝ ցամաքային ուժերը: