Հայաստանում մուրացկանությամբ զբաղվող անչափահասների թիվը նվազել է: Այսօր լրագրողների հետ հանդիպման ժամանակ ասաց ՀՀ ոստիկանության քրեական հետախուզության գլխավոր վարչության 3-րդ վարչության պետ, ոստիկանության գնդապետ Նելլի Դուրյանը՝ հավելելով, որ 2016թ հաշվառված 19 անչափահասի փոխերան, այսօրվա դրությամբ կա հաշվառված ընդամենը երկու անչափահաս: Նրանցից մեկը Երևանում է, մյուս՝ Կոտայքում:
Դուրյանի խոսքերով, մուրացկանությամբ զբաղվող երեխաներն այդքան էլ շատ չեն ու մուրացկանությամբ զբավելու համար նրանք պատասխանատվության չեն ենթարկվում:
Ասուլիսի մյուս բանախոս «Երեխաների աջակցության կենտրոն» հիմնադրամի գործադիր տնօրեն Միրա Անտոնյանն էլ իր հերթին նշեց, որ երեխաների շրջանում մուրացկանության դեմ պայքարի գործում կարևոր է հասարակության մասնակցությունը: Նրա խոսքերով, երբ դրսում մուրացիկ երեխա է հանդիպում, պետք չէ գումար տալ, պետք է զանգահարել իրենց կենտրոն:
Տիկին Դուրյանը խոսեց նաև անչափահասների շրջանում հանցագործությունների մասին՝ նշելով, որ 2016 թվականին 341 նմանատիպ դեպք է գրանվել, իսկ 2017-ին՝ 9-ով պակաս: