ՀՅԴ բյուրոյի անդամների հետ հանդիպումից հետո նախագահի պաշտոնի համար ՀՀԿ հավանական թեկնածու Արմեն Սարգսյանը ևս մեկ անգամ կրկնեց, որ իր վերջնական որոշումը կայացնելու խորհրդարանական և ոչ խորհրդարանական քաղաքական ուժերի, հասարակական կազմակերպությունների, հանրության հետ հանդիպումներից հետո:
Սարգսյանը նշեց, որ որոշումը կայացնելուց հետո որևէ տեղ չի կորելու և կպատասխանի բոլոր հարցերին:
Նա հիշեցրեց, որ վարչապետ եղած ժամանակ մեծ հարգանքով է վերաբերվել լրատվամիջոցներին և նույնկերպ շարունակելու է վարվել, եթե որոշի ընդունել ՀՀ նախագահի թեկնածու դառնալու առաջարկը:
Արմեն Սարգսյանը նաև պատասխանեց խոսակցություններին, թե վատ հարաբերություններ է ունեցել Վազգեն Սարգսյանի հետ: Նա մասնավորապես նշեց, որ դա սուտ է և լավ կլինի, եթե շահարկումներին վերջ տրվի: