Թուրքիայի Զինված ուժերի Գլխավոր շտաբը հայտարարություն է տարածել՝ նշելով, որ սիրիական Աֆրինում օպերացիայի շրջանակներում ոչնչացվել է ևս 63 հակառակորդ: Այսպիսով, ըստ թուրքական իշխանությունների, Աֆրինում արդեն ոչնչացվել է 712 ահաբեկիչ:
Նշվում է նաև, որ ռազմական օպերացիան ընթանում է նախատեսված պլանի համաձայն:
Հիշեցնենք, որ թուրքական զորքերը Սիրիայի հյուսիսային մասում գտնվող Աֆրին ներխուժեցին հունվարի 20-ին՝ հայտարարելով, որ պայքարում են ահաբեկչական միջանցքի դեմ:
