Երևան քաղաքի ընդհանուր իրավասության դատարանում դատավոր Պետրոս Մակյանի նախագահությամբ շարունակվում են Սասնա ծռեր խմբի 11 անդամների գործով դատական նիստերը:
Այսօր նիստի ժամանակ միջադեպ տեղի ունեցավ կարգադրիչների և նիստերի դահլիճում գտնվող Ստելլա Աղաջանյանի մասնակցությամբ:
Վերջինս դատական նիստերից կարգադրիչների օգնությամբ հեռացվեց այն բանից հետո, երբ չենթարկվեց դատավորի պահանջին՝ բղավոցներով չխանգարել նիստի ընթացքը:
Տիկնոջը հեռացնելու ժամանակ քաշքշուկ տեղի ունեցավ: