Նախնական տվյալներով, Մոսկվայի երկրամասում այսօր կործանված օդանավի բոլոր ուղևորներն Օրենբուրգի երկրամասից են, նրանց թվում չկան արտասահմանցիներ կամ Ռուսաստանի այլ շրջանների բնակիչներ: Այս մասին հայտնում է Ինտերֆաքս գործակալությունը՝ հղում անելով երկրամասի ղեկավարի մամուլի խոսնակին:
Այն, որ կործանված օդանավի բոլոր ուղևորներն Օրենբուրգից են, հաստատել է նաև Օրսկի քաղաքապետ Անդրեյ Օդինցովը:
Հիշեցնենք, որ Մոսկվայի Դոմոդեդովո օդանավակայանից օդ բարձրացած և Օրսկ ուղևորված օդանավի կործանման արդյունքում զոհվել է 71 մարդ: Օդանավի երկրորդ օդաչուն հայ է՝ Սերգեյ Ղամբարյան:
