Սաուդյան Արաբիայի իրավապահները ձերբակալել են մի կնոջ, ով սոցկայքերում սեքսուալ բնույթի տեսանյութեր է հրապարակել: Այս մասին հայտնում է Gulf News-ը՝ հղում անելով Okaz սաուդական թերթին:
Կնոջ վարքի վրա նախ ուշադրություն են դարձրել սոցկայքի օգտատերերը, ովքեր էլ դիմել են ոստիկաններին՝ պահանջելով համապատասխան քայլեր ձեռնարկել իսլամին ոչ հարիր պահվածքով աչքի ընկնող կնոջ նկատմամբ:
Արդյունքում պարզվել է, որ այդ կինը 20 տարեկան է, Մեքքայի բնակիչ:
Իրավապահները հայտնում են, որ ձերբակալվածի ծնողները տեղյակ չեն եղել իրենց դստեր քայլերի մասին:
Սաուդական օրենքների համաձայն, ձերբակալված կինը կարող է մինչև 5 տարի ժամկետով բանտ ուղարկվել:
