Երևանի ավագանու նիստի ժամանակ տեղի ունեցած ծեծկռտուքից հետո Երկիր ծիրանի խմբակցության ղեկավար Զարուհի Փոստանջյանը, պատասխանելով հարցին, թե ում ինքնազգացողությունն էր վատացել և ում համար էին շտապօգնության աշխատակիցներ հրավիրվել քաղաքապետարան, ասաց, որ վերջիններս հոգեբուժարանի աշխատողներ էին: Իսկ, թե ում համար էին այդ աշխատակիցները հրավիրվել, հայտնի չէ:
Փոստանջյանն ասաց, որ այդ աշխատակիցներն իրենք են ներկայացրել որպես հոգեբուժարանի աշխատակիցներ, սակայն չեն ասել, թե ում համար են ժամանել:
Ավելի վաղ հայտնել էինք, որ ծեծկռտուքից հետո սրտի հետ ունեցած խնդիրների պատճառով հոսպիտալացվել է Երևանի ավագանու ՀՀԿ խմբակցության անդամ Մարտին Վարդազարյանը:
