Հարգելի համագումարի դիվան, հարգելի Սէփիլ Քեմալ բէյ և Սելահէդդին Տեմիրթաշ.
Գոհունակությամբ ստացանք <<Ժողովուրդների դեմոկրատական կուսակցության>> 3-րդ հերթական
համագումարի հրավերը:
Հարգելի ընկերներ և բարեկամներ.
ՍԴՀԿ Կենտրոնական Վարչության և աշխարհասփյուռ Հնչակյան շարքի անունով ողջունում ենք
<<Ժողովուրդների դեմոկրատական կուսակցության>> 3-րդ համագումարը և մաղթում բեղուն ու
արդյունավետ աշխատանք:
Արդարև, թե՛ Միջին Արևելքը և թե՛ տարածաշրջանն ընդհանրապես, շատ վտանգավոր և
ճակատագրական հանգրվանում են: Գերտերությունների, շրջանային պետությունների ու ծայրահեղական
խմբավորումների քաղաքական, տնտեսական ու հատվածական շահերի բախման հետևանքով
տարածաշրջանը մխրճված է վերջ չունեցող հակամարտությունների ու տագնապների շրջանակի մեջ:
Այսպիսի անօրինաչափ իրավիճակում է տեղի ունենում մեր բարեկամ ԺԴԿ-ի 3-րդ հերթական
համագումարը: Մենք համոզված ենք, որ համագումարի հաջողությունը մեծապես կկարողանա նպաստել
տարածաշրջանում խաղաղության և ազգերի միջև համերաշխության հաստատման գործին: Հետևաբար, ևս
մեկ անգամ ողջունում և մեր զորակցությունն ենք հայտնում ձեզ, ինչպես նաև վերահաստատում մեր
կուսակցությունների միջև բարեկամության և համագործակցության շարունակականությունը:
Ընկերական ողջույններով,
ՍԴՀԿ Կենտրոնական Վարչություն