Երբևէ մտածե՞լ եք , թե որքան շուտ աշխատանքը մեզ համար կդառնա այնպիսի սովարական բան , ինչպիսին բնակարանում սառնարանն է: Ռեյ Քուրցվիլը չի գուշակում , սակայն մատնանշում է 2027 թվականը : Ինչի՞ է նա դրանում այդքան վստահ ։
Ռեյ Քուրցվիլը գյուտարար է , ֆուտուրիստ , գրող և Google- ի մեքենաների ուսուցման և բնական լեզվով մշակման ոլորտի տեխնիկական տնօրենը ։ Նա հայտնի է իր գիտական տեխնոլոգիական կանխատեսումներով , որոնցից մի քանիսն արդեն իրականացել են : Նա կանխատեսել էր ԽՍՀՄ փլուզումը , համակարգչային համակարգի հաղթանակը շախմատային խաղում ՝աշխարհի լավագույն շախմատիստի հետ , « Siri » և « Алисы » նման էլեկտրոնային օգնականների, վիրտուալ և ընդլայնված համակարգերի առաջացումը:
2010 թվականի հոկտեմբերին նա հանդես է եկել զեկույցով , որում վերլուծել է , թե ինչպես է իրականացել իր երեք գրքերում (1990, 1999 և 2005) նկարագրված կանխատեսումները : 147 կանխատեսումներից 115-ը ամբողջովին ճիշտ էին , 12-ը ընդհանուր առմամբ , 17-ը ճիշտ էին մասնակի և միայն 3-ն էր սխալ : Այսպիսով՝ ֆուտուրիստի ճշգրտության մակարդակը կազմում է 86% : Ըստ նրա կանխատեսումների, մարդկությունը հաղթելու է հիվանդություններին , որը սպանում է զարգացած երկրներում մարդկանց 95% -ին : Ծերության հիմքում ընկած գործընթացները զգալիորեն կդանդաղեն և կվերանան :
2020 թվական
Համակարգիչները կշարունակեն քչանալ և կսկսեն կորցնել իրենց սովորական ձևը , օրինակ՝ դրանք կտեղադրվեն հագուստի մեջ : Ամբողջ մարդկության համար կստեղծվի նոր համաշխարհային կառավարություն: Այս 10-ամյակի սկզբից աստիճանաբար կհայտնվեն «մարդկային մարմիններ 2.0» , որոնց հիմքում կլինեն նանոտեխնոլոգիական համակարգերը : Գովազդային ընկերությունները յուրաքանչյուր անձի կներկայացնեն անհատական աուդիո գովազդ , որը միայն նա կարող է լսել :
2025 թվական
Ռազմական անօդաչու սարքերը և մեքենաները կկառավարվեն համակարգիչների կողմից ։ Նանոտեխնոլոգիաները կօգնեն լիովին հասկանալ մարդու ուղեղի աշխատանքը:
2027 թվական
Հնարավոր կլինի մարդկային ուղեղի բոլոր մասերի ճշգրիտ համակարգչային մոդելավորում իրականացնել ։ 10-ամյակի ավարտին կստեղծվի արհեստական ինտելեկտի այնպիսի աստիճան, որը համեմատելի կլինի մարդկային ինտելեկտի հետ:
2029 թվական
Արհեստական ինտելեկտը կանցնի « Turing » - ի թեստը, որն կհաստատի մարդու նման մտածելու ունակությունը: 10-ամյակի վերջում վիրտուալ իրականությունը կլինի այնպիսի բարձր որակի , որ անհնար կլինի տարբերել այն իրականությունից: Նանոտեխնոլոգիաները լայնորեն կկիրառվեն բժշկության մեջ: Նանոտեխնոլոգիաների վրա հիմնված արտադրանքն այնքան լայնորեն կկիրառվի , որ կտրուկ կփոխվի տնտեսությունը: Նանոտեխնոլոգիաները կկարողանան ներթափանցել բջիջների մեջ, «կերակրել» դրանց և վերացնել աղբը՝ սննդի սովորական սպառումը կդառնա հին ավանդույթ:
2030 թվական
Հնարավոր կլինի «մտքի ներբեռնում» իրականացնել ։ Մարդիկ կկարողանան ապրել ինտերնետում՝ նախագծելով իրենց մարմինները, երբ և որտեղ ցանկանան ՝ իրական կամ վիրտուալ իրականությունում : Կվերանան վիրտուալ իրականության մեջ մտնելու համար ստեղծված սարքավորումները ։ Նանոտեխնոլոգիաները կտեղադրվեն ուղեղի մեջ և միանգամից կշփվեն ուղեղի բջիջների հետ: Մարդկանց ուղեղի մեջ տեղադրված նանոտեխնոլոգիաները զգալիորեն կբարելավեն ճանաչողական և զգայական ունակությունները, ինչպես նաև հիշողությունը: Մարդիկ կկարողանան «հեռավորության վրա » անլար ցանցերի միջոցով կապվել միմյանց հետ : Հնարավոր կլինի փոխել մարդկանց հիշողությունները ու անձը:
«Մարդկային մարմիններ 3.0»-ը չեն ունենա որոշակի մարմնական ձև : Արտաքին տեսքը հնարավոր կլինի փոխել, ըստ ցանկության ։
2040 թվական
Ոչ կենսաբանական ինտելեկտը միլիարդավոր անգամ կգերազանցի կենսաբանականին ։ Մարդիկ իրենց ժամանակի մեծ մասը կանցկացնեն վիրտուալ իրականության մեջ՝ «Մատրիցա» - ի նման զարգացած վիրտուալ աշխարհների օրինակով։ Ինքնապրոֆիլային նանոտեխնոլոգիաները կկարողանան լայնորեն ձևավորել ցանկացած օբյեկտներ ։
2045 թվական
Կիբեռացված և «ներբեռնված» մարդիկ սովորական երևույթ կլինեն: 1000 դոլարով կկարողանանք ձեռք բերել համակարգիչ, որը միլիարդ անգամ ավելի «խելացի» կլինի , քան բոլոր մարդիկ միասին վերցրած ։ Տեխնոլոգիական առանձնահատկությունների սկզբունքով արհեստական ինտելեկտը կգերազանցի մարդուն՝ որպես Երկիր մոլորակի ամենախելացի և ընդունակ ձև ։ Այս երևույթն ընդմիշտ կփոխի մարդկային պատմության ընթացքը: Մարդկանց ոչնչացումը մեքենաների միջոցով գրեթե հնարավոր չի լինի, քանի որ մարդու և մեքենայի միջև որևէ առանձնահատուկ տարբերություն չի լինի ։
2045 - 2099 թվականներ
Երկիր մոլորակը կվերածվի մի մեծ հսկայական համակարգչի ։ Մարդիկ, ովքեր մեծապես կցանկանան պահպանել իրենց բնական վիճակը , կբնակվեն հատուկ արգելանոցներում : Մարդկությունն այլևս չի սահմանափակվի լույսի արագությամբ: Արհեստական ինտելեկտը կտեղափոխվի Երկրի սահմաններից դուրս՝ առաջին հերթին ընդլայնելով իր ազդեցությունն արեգակնային համակարգի վրա , ապա՝ մյուս գալակտիկաների: Աստղերը , մոլորակները , երկնաքարերը կվերածվեն կառուցվածքային մատերիայի , որը կօգնի պահել կյանքը ։
2099 թվականին մեքենաները կարող են մոլորակի չափսերով համակարգիչներ կառուցել:
