Իրանն ու Իսրայելն արդեն հաջորդ տարի կարող են պատերազմ սկսել իրար դեմ: Այս մասին գրում է Լենտան՝ հղում անելով The National Interest-ի փորձագետներին, ովքեր վերլուծում են Մերձավոր Արևելքի երկրներում տեղի ունեցող իրադարձությունները:
Հեղինակները նշում են, որ Իրանն այսօր տարածաշրջանում լուրջ ակտիվություն է ցուցաբերում: Նշվում է, թե Իրանի Իսլամական հեղափոխության պահապանների կորպուսի մարտիկները մասնակցում են Սիրիայի մարտերին: Բացի դրանից, Իրանն աջակցում է նաև Հըզբոլլահին:
Հեղինակները հիշեցնում են, որ փետրվարի առաջին կեսին արդեն բախում տեղի ունեցել է երկու երկրների միջև, երբ Իսրայելն Իրանին մեղադրեց անօդաչուներով իր օդային տարածք մտնելու մեջ, ինչից հետո սիրիական ՀՕՊ համակարգերն իսրայելական կործանիչ ոչնչացրեցին:
Եթե դեպքերը շարունակեն նույն կերպ զարգանալ, The National Interest-ի փորձագետները վստահ են, որ արդեն 2019 թվականին պատերազմ կսկսվի: