Իսլամական պետություն ահաբեկչական խմբավորման հետ կապ ունենալու համար Իրաքում Թուրքիայի առնվազն 15 քաղաքացի (կին) մահապատժի են դատապարտվել, հայտնում է BBC News-ը:
Դատապարտված կանայք խոստովանել են, որ օգնել են ԻՊ-ին ահաբեկչական հարձակումների իրականացնելու գործում, կամ ամուսնացած են եղել ԻՊ անդամների հետ: 20-50 տարեկան կանայք դատական նիստին ներկայացել են սև զգեստով և մանկահասակ երեխաների հետ:
Հավելենք, որ Իրաքում ԻՊ-ի հետ կապ ունենալու մեղադրանքով ավելի քան 560 կին և 600 երեխա է ձերբակալվել: Նրանցից շատերն այլ երկրների քաղաքացիներ են: