Մարտի 1-ին, ժամը 06:26-ին տեղեկություն է ստացվել, որ Վայոց ձորի մարզի Վայք քաղաքի եկեղեցու մոտակայքում տեղի է ոնեցել ՃՏՊ, կա արգելափակված քաղաքացի. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ և Մարզային փրկարարական վարչության օպերատիվ խումբը:
Պարզվել է, որ Մ-2 ավտոճանապարհի Երևան-Մեղրի հատվածի 135-րդ կմ-ին բախվել են ԿամԱԶ մակնիշի 05 US 242 (վարորդ՝ Գ. Հ.) և Mercedes մակնիշի 42 E618 10 (վարորդ՝ Ա. Հ., ԻԻՀ քաղաքացի) պետհամարանիշերով բեռնատար ավտոմեքենաները:
Փրկարարները ԿամԱԶ մակնիշի ավտոմեքենայի վարորդին դուրս են բերել ավտոմեքենայից և մոտեցրել շտապօգնության ավտոմեքենային, վերջինս հոսպիտալացվել է Վայքի ԲԿ. բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ԿամԱԶ մակնիշի ավտոմեքենան:
