Բելոռուսի նախագահ Ալեքսանդր Լուկաշենկոն հայտարարել է, որ Մինսկը պատասխանելու է Մոսկվային բելոռուսական կաթնամթերքի ներկրումն արգելելու համար: Այս մասին գրում է Ինտերֆաքսը:
Լուկաշենկոն նշել է, որ նման բաներն անպատասխան չեն մնում, և բելոռուսական կողմը սա հենց այնպես չի ընդունելու:
Նշենք, որ ռուսական իշխանությունները բելոռուսական կաթնամթերքի ներկրումն արգելեցին փետրվարի 26-ից՝ պատճառաբանելով, որ խախտվել են սանիտարական պահանջները, որոնք կան ԵԱՏՄ-ում և Ռուսաստանի օրենսդրության մեջ:
Լուկաշենկոն կարծիք է հայտնել, թե ռուսական կողմին դուրեկան չէ այն, որ էժան կանթնամթերք է ներկրվում և հենց այդ պատճառով է նման որոշում կայացվել:
