Ինչպես հայտնել ենք Հայ Առաքելական եկեղեցու Երուսաղեմի Հայոց պատրիարքարանը ներկայացնող քահանա Սամուել Աղոյանի՝ Բարեբեր կրակի մասին հայտարարությունը քննադատվել է եկեղեցական ներկայացուցիչների կողմից: Խոսքը, մասնավորապես, վերաբերում է Ղպտիական եկեղեցուն, որի ներկայացուցիչներն Աղոյանին մեղադրել են ստախոսության մեջ:
Հայտարարությամբ է հանդես եկել նաև Մոսկվայի և Համայն Ռուսիայի պատրիարք Կիրիլի մամուլի ծառայութան ղեկավար Ալեքսանդր Վոլկովը՝ նշելով, որ պետք չէ հանրայնացնել բաներ, որոնք շփոթության մեջ են գցելու հավատացյալներին:
Թեմայի շուրջ Analitik.am-ի թղթակիցը փորձեց մեկնաբանություններ ստանել Մայր Աթոռից: Մեր հետ զրուցում Մայր Աթոռի Տեղեկատվական համակարգի տնօրեն տեր Վահրամ քահանա Մելիքյանը մեզ ասաց, որ Մայր Աթոռը մեկնաբանություններ չի տալիս այս հարցի շուրջ և խորհուրդ տվեց կապ հաստատել Երուսաղեմի պատրիարքարանի հետ: