Արթուր Սարգսյանի անվամբ բացված ֆեյսբուքյան էջից տեղեկանում ենք, որ այսօր Ճարտարապետների Միության շենքում սկսվել է Արթուր Սարգսյանի՝ Հաց Բերողի մահվան տարելիցի կապակցությամբ վերջինիս հիշատակին նվիրված հուշարձանի նախագծի ներկայացումը և հանրային քննարկումը։
«Խնդրում ենք բոլորին, հուշարձանի հետ կապված ձեր կարծիքը թողնել մեկնաբանությունում։ Հուշարձանի նախագծի ցուցադրումը կշարունակվի մինչև մարտի 16-ը ներառյալ»,-ասվում է ֆեյսբուքյան էջում:
Հիշեցնենք, որ Արթուր Ռոբերտի Սարգսյանը 2016 թվականի հուլիսի 26-ին առավոտյան 07։00-ի սահմաններում իր անձնական մեքենայով ճեղքել է Էրեբունու ոստիկանական գումարտակի ոստիկանական պատնեշը և սնունդ հասցրել այն գրաված ու արդեն 10 օր այնտեղ գտնվող «Սասնա Ծռերին»։