Արդեն որքան ժամանակ է տարբեր միջոցներով մարդկանց փորձում են հավատացնել, որ այսօր հարթակում կանգնած երեք ուժերը ձեզ հուսախաբ են անելու: Նման բան չի լինելու: Այս մասին այսօր ոչ իշխանական եռյակի համատեղ հանրահավաքում իր ելույթի ժամանակ ասաց ԲՀԿ խորհրդարանական խմբակցության քարտուղար Նաիրա Զոհրաբյանը.
«Այսօր այստեղ` հարթակում են արժանապատիվ քաղաքական ուժեր: Ձեր վստահությունն արդարացնելն արժանապատվության հարց է մեզ համար: Վստահեցնում եմ, որ այստեղ կանգնած ուժերից որևէ մեկը ձեզ հուսախաբ չի անի»,- ասաց Նաիրա Զոհրաբյանը:
«Իշխանությունների գնացքն արդեն գնացել է»,- ավելացրեց նա,- «Ու դա գիտակցելով՝ այսօր նրանք փորձում են սահմանադրական չարափոխումներով երկարացնել իրենց ղեկավարումը` թույլ չենք տալու»,- ասաց ԲՀԿ խմբակցության քարտուղարը:
Նաիրա Զոհրաբյանի խոսքով` իրենք ապացուցելու են, որ Հայաստանի Հանրապետությունը երկրի արժանապատիվ քաղաքացունն է. «Այնպես որ, միասին դեպի հաղթանակ»,- ելույթն ավարտեց Նաիրա Զոհրաբյանը:
Սկզբնաղբյուրը՝ zham.am