Այսօր՝ մարտի 19-ին, Երևանի ավագանու ՀՀԿ խմբակցության անդամ Էդմոն Կիրակոսյանը՝ անդրադառնալով Երկիր Ծիրանի խմբակցության հետ ունեցած ծեծկռտուքին, նշեց, որ ԵԾ խմբակցության արած հայտարարություններն իրականությանը չեն համապատասխանում, և վերջիններիս գործողությունները կրում են բացառապես սադրիչ բնույթ:
Հիշեցնենք, որ ԵԾ անդամները Կիրակոսյանին մեղադրում են Մարինա Խաչատրյանի նկատմամբ սեռական ոտնձգության մեջ:
Կիրակոսյանը նաև նշեց, որ քննություն է ընթանում, որի ընթացքում բոլորի համար պարզ կլինի, թե ինչ է տեղի ունեցել, և մեղավորները պատասխանատվության կենթարկվեն:
Ավագանու անդամը հայտնեց, որ հարցաքննվել է, տվել է բացատրություներ, ամեն ինչ ընթանում է օրենքի շրջանակներում:
Ինչ վերաբերում է կոնկրետ սեռական ոտնձգության մասին մեղադրանքին, ապա այն ՀՀԿ-ական գործչի խոսքերով, կրում է սադրիչ բնույթ, և ԵԾ-ի գործողությունների տրամաբանական շարունակությունն է. «Ես բռնությանը կողմ չեմ»: