ԱՄՆ իշխանությունները չեղյալ են համարել Թուրքիայի նախագահ Ռեջեփ Թայիփ Էրդողանի 15 թիկնապահներից 11-ի մեղադրանքները: Այս մասին հայտնում է Sabah-ը:
Նշենք, որ խոսքը վերաբերում է 2017 թվականի մայիսին տեղի ունեցած միջադեպին, երբ Էրդողանի թիկնապահները Վաշինգտոնում ծեծի ենթարկեցին քուրդ ցուցարարներին:
ԱՄՆ իշխանությունները հայտնել են, որ դատական հետապնդումը դադարեցվել է դեռ փետրվար ամսին և պայմանավորված չէ քաղաքական նկատառումներով: Մեղադրանքները չեղյալ են համարվել, քանի որ դժվարություններ են առաջ եկել մեղադրյալների ինքնությունը ճանաչելու մասով:
Հարկ է նշել, որ չեղյալ է համարվել նաև Էրդողանի անվտանգության պետին առաջադրված մեղադրանքը: