Սաուդյան Արաբիան Սիրիային հարյուրավոր միլիարդների հասնող դոլար է առաջարկել՝ Իրանի հետ հարաբերությունները խզելու դիմաց: Այս մասին հայտարարել է լիբանանյան «Հեզբոլահ» ահաբեկչական խմբավորման ղեկավար Հասան Նասրալլան:
Այս մասին հայտնում է «Ալ-Ահբար» կայքը՝ հղում անելով Նասրալլայի հայտարարությանը:
Նասրալլայի խոսքերով՝ Սաուդյան Արաբիայից երկու անգամ է եղել նման առաջարկ, և ամենայն հավանականությամբ, Սիրիայի նախագահ Բաշար Ասադը մերժել է այն:
Դամասկոսին առաջարկվել է ֆինանսական օգնություն՝ պատերազմից տուժած Սիրիայի վերականգնման համար: Ասվում է նաև, որ սաուդները խոստացել են դադարեցնել ահաբեկիչների ֆինանսավորումը, որոնք պատերազմում են Ասադի ռեժիմի դեմ, եթե Սիրիան ընդունի իրենց առաջարկը: Հասան Նասրալլան նաև խոսել է այն մասին, որ Էր-Ռիյադն ու Վաշինգտոնը կեղտոտ միջոցների են դիմում մայիսի 6-ին կայանալիք Լիբանանի պառլամենտական ընտրությունների վրա ազդեցություն ունենալու համար:
