ՌԴ նախագահ Վլադիմիր Պուտինը մարտի 28-ը Ռուսաստանում հայտարարել է սգո օր՝ Կեմերովի առևտրային կենտրոնում տեղի ունեցած հրդեհի հետևանքով զոհերի հիշատակին: Այս մասին տեղեկանում են Կրեմլի մամուլի գործակալությունից:
Ամբողջ երկրում կիջեցվեն պետական դրոշները, մշակութային կառույցներին և հեռուստաընկերություններին էլ խորհուրդ է տրվում այդ օրը ձերծ մնալ ժամանացային միջոցառումներ կազմակերպելուց և հաղորդումներ ցուցադրելուց:
Նշենք, որ Պուտինը մարտի 27-ին այցելել էր Կեմերով:
Հիշեցնենք, որ Կեմերովի սուպերմարկետում ողբերգական ելքով հրդեհը տեղի ունեցավ մարտի 25-ին: Տուժածների թվում, նախնական տեղեկություններով, հայեր չկան: Պաշտոնական տվյալներով հրդեհի արդյունքում զոհվել է 64 մարդ:
Նշենք նաև, Կեմերովի բնակիչները չեն հավատում, որ զոհերի թիվը 64 է, նրանց կարծիքով թիվը շատ ավելի մեծ է: