ՌԴ Կեմերովոյի մարզպետ Աման Տուլեևը «Զիմնյայա վիշնյա» առևտրի կենտրոնում տեղի ունեցած հրդեհի հետևանքների վերացման թեմայով անցկացված խորհրդակցության ժամանակ ներողություն է խնդրել ՌԴ նախագահ Վլադիմիր Պուտինից: Այս մասին հայտնում է Լենտան:
«Դուք անձամբ եք ինձ զանգահարել: Եվս մեկ անգամ խորին շնորհակալություն եմ հայտնում: Անձամբ ներողություն եմ խնդրում Ձեզանից մեր տարածքում կատարվածի համար»,- ասել է նա` դիմելով Պուտինին:
Հիշեցնենք, որ պաշտոնական տվյալներով հրդեհի հետևանքով զոհվել է 64 մարդ:
