Կեմերովի իշխանություններն ուսումնասիրում են հայտարարությունները, որոնց համաձայն առևտրի կենտրոնում տեղի ունեցած հրդեհի զոհերի թիվը շատ ավելի մեծ է, քան հայտնում են պաշտոնական մարմինները: Այս մասին մարտի 28-ին հայտարարել է երկրամասի փոխնահանգապետ Վլադիմիր Չերնովը:
Սրա մասին Չերնովը խոսել է՝ պատասխանելով լրագրողների դիտարկմանը, թե տեղեկություններ կան, որ հրդեհի արդյունքում զոհվել է 78, ոչ թե 64 մարդ:
Փոխնահանգապետը հայտարարել է, որ փորձ է արվում կապ հաստատել բոլոր նրանց հետ, ովքեր հանդես են գալիս հայտարարություններով, թե զոհերի թիվը ավելի մեծ է: Նրա խոսքերով սա լուրջ հարց է, և հնարավոր է անհասկանալի խաղ է տարվում:
Ինչ վերաբերում է հրդեհի մասով սխալ ինֆորմացիա տարածողներին, Չերնովն ասել է, որ նրանք պատասխանատվության են ենթարկվելու:
