Ռուսաստանի արտաքին հետախուզության պետ Սերգեյ Նարիշկինը խոստովանել է, որ Արևմուտքի կողմից արտաքսվող ռուսաստանցի դիվանագետների թվում արտաքին հետախուզության աշխատակիցներ կան: Այս մասին հայտնում է Ինտերֆաքս գործակալությունը:
Նարիշկինը նշել է, որ այդ մարդկանց թիվը մեծ չէ և նրանք հայտնի են եղել այն երկրների իշխանություններին, որտեղ ծավալել են իրենց գործունեությունը:
Ինչ վերաբերում է ռուսաստանցի դիվանագետներին արտաքսելուն, Նարիշկինն ասել է, որ դա երկրների հայտնի խմբի կողմից տարվող կեղտոտ խաղ է, որն ուղղված է ռուսաֆոբիայի մթնոլորտ ստեղծելուն:
Ռուսաստանցի պաշտոնյայի խոսքերով՝ Մոսկվան ցավում է որոշման համար, սակայն անպայման պատասխան քայլերի է դիմելու, որը լինելու է ադեկվատ ու կոշտ:
