Կեմերովի «Зимняя вишня» առևտրի կենտրոնի հրահանգիչ Սերգեյ Սոչինսկին հաստատել է ինֆորմացիան, որ կենտրոնում հրդեհը բռնկվել է բատուտի փոսում:
Սոչինսկիի ցուցմունքում նշվում է, որ հրդեհի պատճառը եղել է էլեկտրական լարը կամ առաստաղից ընկած կայծը: Նշվում է, որ առաստաղի այդ հատվածով շատ լարեր են անցել:
Իր հերթին քննիչներից մեկը, մեջբերելով ականատեսներից մեկի խոսքերը, հայտնել է, որ հրդեհային ազդանշանը չի աշխատել:
Ավելի վաղ հայտնվել էր, որ Կեմերովի սուպերմարկետում հրդեհի դեպքով հարուցված քրեական գործով արդեն 5 մարդ է հարցաքննվել:
