Պաշտոնական այցով Բաքվում գտնվող Իրանի նախագահ Հասան Ռոհանին հայտարարել է, որ ղարաբաղյան հակամարտությունը պետք է կարգավորվի դիվանագիտական ճանապարհով:
Ադրբեջանի նախագահ Իլհամ Ալիևի հետ հանդիպումից հետո Ռոհանին նշել է, որ Հայաստանի և Ադրբեջանի ջանքերով տարածաշրջանի կայունությունը պետք է ամրապնդել:
Ռոհանին նաև գոհունակություն է հայտնել, որ հարցի խաղաղ ճանապարհով լուծվելու ուղղությամբ փորձեր են արվում:
