Կեմերովոյի «Зимняя вишня» առևտրի կենտրոնում տեղի ունեցած հրդեհի օջախը գտնվել է 3-րդ և 4-րդ հարկերի միջև գտնվող փակ խոռոչում՝ բատուտի կենտրոնի մոտակայքում: Ինչպես հայտնում է РБК-ն՝ հղում անելով ՌԴ ԱԻՆ-ում իր աղբյուրին, այսպիսին են հրդեհատեխնիկական փորձաքննության առաջին արդյունքները:
Պարբերականի զրուցակիցը նշել է, որ հրդեհի օջախով բարձր լարում ունեցող էլեկտրական լար է անցել: Երբ բռնկումը տեղի է ունեցել, կրակը շատ արագ տարածվել է դեպի վեր: Կրակը արագ տարածվել է նաև չերևացող խոռոչում:
Փորձաքննության է ենթարկվում ավելի քան 100 իր, այդ թվում՝ լողավազանում հայտնաբերված ռետինե խորանարդիկները, որոնք, ամենայն հավանականությամբ, չեն համապատասխանում պահանջվող ստանդարտներին:
