Կեմերովոյի հրդեհի մասին ոչ ճշգրիտ տեղեկություններն եկել են Ուկրաինայից ու Թուրքիայից: Այս մասին ասել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը: Այս մասին տեղեկանում ենք BBC-ի ռուսական ծառայությունից:
«Մենք պարզեցինք՝ որտեղից են գալիս կեղծ տեղեկությունները. հիմնականում՝ Ուկրաինայից ու Թուրքիայից: Այլ հարց է, թե ինչու այս երկրներից, սակայն այս դեպքում պարզվում է, որ 300-400-500 զոհի մասին տեղեկությունները կեղծ են», - ասել է Պեսկովը:
Նա նաև հիշեցրել է, որ ողբերգական իրավիճակներում «սարաֆանային» ռադիոն շատ արագ է տարածվում:
Նշենք, որ ՌԴ Կեմերովո քաղաքի առևտրի կենտրոնում մարտի 25-ին տեղի ունեցած խոշոր հրդեհի հետևանքով զոհվել է 64 մարդ, այդ թվում՝ 41 երեխա: