Շախմատի աշխարհի 13-րդ չեմպիոն Գարի Կասպարովը Frankfurter Allgemeine Zeitung գերմանական պարբերականի համար լույս տեսած հոդվածոմ կոչ է արել քաղաքական բոյկոտ հայտարարել Ռուսաստանում կայանալիք 2018 թվականի ֆուտբոլի աշխարհի առաջնությունը:
«Սովորաբար ես դեմ եմ նման բոյկոտների, երբ խոսքը վերաբերում է խոշոր մրցաշարարի եզրափակիչ փուլերին, քանի որ դրանից տուժում են միայն մարզիկները: Սակայն ես կողմ եմ քաղաքական բոյկոտին, որը պետք է հայտարարվի Մոսկվայի վարչակարգին և թշնամական գործողություններին, որոնք իրականացրել է ռուսական իշխանությունը»,-հայտարարել է Կասպարովը:
Նշենք, որ կապված Սերգեյ Սկրիպալի թունավորման հետ՝ արդեն մի շարք երկրներ քաղաքական բոյկոտ են հայտարարել ֆուտբոլի աշխարհի առաջնությանը:
