Ռուսական նոր «Дрель» ավիառումբի ներկայացումը վկայում է Կրեմլի ագրեսիվության մասին և պատահական չէ, որ դրա ներկայացումը ժամանակային առումով համընկավ ռուսաստանցի նախկին գործակալ Սերգեյ Սկրիպալի թունավորման հետ: Այս մասին հայտնում է Daily Express-ը:
Լրագրողի կարծիքով, Ռուսաստանում նոր ավիառումբի հայտնվելը մեծացնում է երրորդ համաշխարհային պատերազմի հնարավորությունը:
Պարբերականը գրում է, որ հիմա արևմտյան աշխարհը գտնվում է բարդ իրավիճակում, քանի որ Մոսկվան կարողացավ միջամտել ԱՄՆ-ի նախագահական ընտրություններին և Սիրիայի պատերազմին:
Ամեն դեպքում պարբերականը հանգստության կոչ է անում՝ նշելով, որ ԱՄՆ նախագահ Դոնալդ Թրամփը ՌԴ նախագահ Վլադիմիր Պուտինին կանչել է Սպիտակ տուն քննարկումների համար:
Հավելենք, որ Ռուսաստանը «Дрель» ավիառումբը ներկայացրեց մարտի 31-ին:
