Ուկրաինայի ներքին գործերի նախարար Արսեն Ավակովը հայտարարել է, որ լարված հարաբերություններ չունի երկրի նախագահ Պյոտր Պորոշենկոյի հետ՝ հավելելով, թե փորձում է անել այնպես, որ իշխանության տարբեր թևերը փոխզսպեն միմյանց:
Ազգությամբ հայ նախարարի խոսքերով, ինքը ամուր կանգնած է գետնին և ամենատարբեր հարցերում կարողանում է մինչև վերջ առաջ տանել իր տեսակետը:
Ավակովը նաև նշել է, որ Պորոշենկոյի հետ շատ հաճախ բանավեճեր է ունենում, ինչը սակայն չի խանգարում աշխատանքային հարաբերություններին. «Ցանկանում եմ միայն հիշեցնել, որ Ներքին գործերի նախարարը նախագահի ենթական չէ»:
