ՌԴ ԱԳՆ պաշտոնական ներկայացուցիչ Մարիա Զախարովան տարօրինակ է համարել այն, որ Լոնդոնում որոշել են դիակիզել թունավորված ռուսաստանցի նախկին գործակալ Սերգեյ Սկրիպալի կենդանիներին՝ այսպիսով ոչնչացնելով ինչ-որ ապացույցներ:
Զախարովայի խոսքերով, բրիտանական իշխանությունները ուղղակի ոչնչացրել են Սկրիպալների ծովախոզուկներին և կատվին, այնինչ կենդանիները կարող էին օգնել բացահայտել գործը:
Ռուսաստանի ԱԳՆ պաշտոնական ներկայացուցիչը դիմել է Լոնդոնին՝ պարզաբանում պահանջելով կատարվածի մասով:
Ավելի վաղ Mirror-ը հայտնել էր, որ Սկրիպալների տանը երկու սատկած ծովախոզուկ է հայտնաբերվել, իսկ կատվին համապատասխան մարմինները ստիպված են եղել քնեցնել:
Դրանից հետո կենդանիներին դիակիզել են, որպեսզի թույնը չտարածվի:
