Վրաստանի իշխանությունները որոշում են կայացրել, համաձայն որի պետական պաշտոնյաներին սպասարկող ավտոմեքենաները չպետք է լինեն սև գույնի: Համապատասխան որոշումը հրապարակվել է հարևան երկրի կառավարության պաշտոնական կայքէջում:
Փետրվարին Վրաստանի վարչապետ Գեորգի Կվիրիկաշվիլին կոչ էր արել չինովնիկներին վերջ տալ սև ամենագնացների դարաշրջանին, քանի որ դա բոլորին նյարդայնացնում է: Վարչապետի խոսքերով, պետք է աստիճանաբար անցում կատարել էկոլոգիապես մաքուր փոխադրամիջոցներին:
Կառավարության որոշման համաձայն, մինչև այս ամսվա վերջ բոլոր նախարարները, պետական մարմինները պետք է ներկայացնեն ավտոպարկերը թարմացնելու մասով պլանները՝ հաշվի առնելով այն, որ մեքենաները պետք է լինեն տնտեսող:
