Կեմերովոյի երկրամասի ժողովրդական պատգամավորների խորհրդի ղեկավար Ալեքսեյ Սինիցինը հրաժարականի դիմում է ներկայացրել: Նա նշել է, որ դա անում է, որպեսզի այդ պաշտոնում ընտրվի երկրամասի նախկին ղեկավար Աման Տուլեևը, հայտնում է ՌԻԱ Նովոստին:
Սինիցինը հավելել է, որ իր դիմումը պատգամավորները կարող են քննարկման առարկա դարձնել արդեն ապրիլի 10-ին:
Նշենք, որ 1997 թվականից Կեմերովոյի երկրամասի ղեկավարի պաշտոնը զբաղեցնող Աման Տուլեևը պաշտոնից հեռացավ Կեմերովոյի «Зимняя вишня» սուպերմարկետի հրդեհից հետո: Հրդեհի արդյունքում զոհվել էր 64 մարդ, այդ թվում 41 երեխա: