Հյուսիսային Կորեայի ներկայացուցիչներն ԱՄՆ-ին հայտնել են, որ երկրի ղեկավար Կիմ Չեն Ինը պատրաստ է քննարկել միջուկային զենքից հրաժարվելու հարցը, հայտնում է The Wall Street Journal-ը:
Միևնույն ժամանակ ամերիկյան իշխանությունները չեն նշել, թե երբ է այդ մասին խոսվել և նման երաշխիքներ տրվել:
Ավելի վաղ տեղեկություներ էին հայտնվել այն մասին, որ Չինաստանի ղեկավարի հետ հանդիպման ժամանակ հյուսիսկորեական առաջնորդը հայտարարել էր, թե պատրաստ է հրաժարվել միջուկային զենքից:
