Սիրիական Թիյֆոր ավիաբազային հրթիռային հարված հասցնելու պահին բազայի օդային տարածքում իսրայելական հետախուզական օդանավ է նկատվել: Այս մասին հայտնում է Ինտերֆաքս գործակալությունը՝ հղում անելով Ալ-Մայադինին:
Ավելի վաղ հեռուստաընկերությունը հայտնել էր, որ սիրիական ավիաբազային հարվածած հրթիռը թռչել է Լիբանանի վրայով և Սիրիա է հասել Միջերկրական ծովի կողմից:
Հարկ է նշել, որ այս տարի փետվարին իսրայելական օդուժն արդեն մեկ անգամ հարվածել է սիրիական Թիյֆորին: Այն ժամանակ սիրիական ՀՕՊ-ը ոչնչացրել էր Իսրայելի F-16 կործանիչներից մեկը:
Իսրայելի բանակը հրաժարվել է մեկնաբանել մեղադրանքը:
