Կեմերովոյում «Зимняя вишня» սուպերմարկետի հրդեհից հետո, որի արդյունքում զոհվեց 64 մարդ, այդ թվում՝ 41 երեխա, երկրամասի ղեկավարի պաշտոնից հեռացած Աման Տուլեևը նոր բարձր պաշտոն ունի: Նա ընտրվել է երկրամասի ժողովրդական պատգամավորների խորհրդի նախագահ: Այս մասին հայտնում է ՏԱՍՍ-ը: Տուլեևի օգտին քվեարկել է 38 պատգամավոր:
Նշենք, որ Աման Տուլեևը Կեմերովոյի երկրմասի ղեկավարն էր 1997 թվականից: 2018 թվականի ապրիլի 1-ին նա հայտարարեց պաշտոնից հեռանալու մասին՝ նշելով, որ ողբերգական ելքով հրդեհից հետո չի կարող մնալ պաշտոնում: Բայց, ինչպես երևում է, Տուլեևը նաև առանց պաշտոն չի կարող մնալ:
