Հայաստանի նախագահ Արմեն Սարգսյանը հայտարարել է, որ պատրաստվում է առաջիկայում մեկնել Ռուսաստան:
Տասս գործակալության հետ հարցազրույցում ՀՀ նորընտիր նախագահը նշել է, որ ավանդաբար Հայաստանի նախագահներն առաջին արտասահմանյան այցը կատարում են հենց Մոսկվա, և ինքը հետաքրքրված է այդ այցով: Ամեն դեպքում Սարգսյանը հավելել է, որ դեռ որևէ պայմանավորվածություն չկա այդ մասով:
Արմեն Սարգսյանը նաև նշել է, որ նախագահի պաշտոնում պատրաստվում է անել այնպես, որ հայ-ռուական հարաբերությունները, երկու ժողովուրդների բարեկամությունը հետագայում ևս ամրապնդվեն:
ՀՀ նախագահը չի մոռացել նաև շնորհավորել ՌԴ նախագահ Վլադիմիր Պուտինին՝ նախագահի պաշտոնում վերընտրվելու կապակցությամբ:
