ԱՄՆ-ն պատրաստվում է նոր պատժամիջոցներ կիրառել ՌԴ նկատմամբ: Այս օրենսդրական նախագիծը ներկայացված է Կոնգրեսի փաստաթղթերի բազայում: Ըստ նախագծի, արգելվում է ՌԴ պետական պարտքի հետ կապված յուրաքանչյուր ֆինանսական գործարք:
Ինչպես հայտնում է Россия 24-ը, սահմանափակումները ենթադրում են ՌԴ պետական պարտքի հետ կապված գործարքների նկատմամբ ամբողջական արգելք: Փաստաթուղթն ազդեցություն կունենա նաև ՌԴ Կենտրոնական բանկի կողմից թողարկվող արժեթղթերի հետ կապված գործարքների վրա:
Պատժամիջոցները կվերաբերվեն նաև Սբերբանկին, ՎՏԲ-ին, Գազպրոմբանկին, Մոսկվայի Բանկին, Ռոսսելխոզբանկին, Պրոմսվյազբանկին և Վնեշէկոնոմբանկին: Սահմանափակումներն ուժի մեջ են մտնում ընդունումից ոչ ուշ, քան 60 օր հետո:
Հիշեցնենք, որ սա ապրիլ ամսում ԱՄՆ-ի կողմից ՌԴ նկատմամբ կիրառվող պատժամիջոցների արդեն երկրորդ փաթեթն է, ավելի վաղ պատժամիջոցներ էին կիրառվել մի շարք անձանց և կազմակերպությունների նկատմամբ: