Արաբական որոշ ԶԼՄ-ներ տեղեկություններ են տարածում այն մասին, որ Սիրիայի նախագահ Բաշար Ասադը, վախենալով ԱՄՆ խոստացված ավիահարվածներից, ընտանիքի հետ միասին փախել է երկրից՝ գնալով Իրան: Նշվում է, որ Ասադին ընտանիքի հետ միասին Իրան են տեղափոխել խիստ գաղտնի պայմաններում՝ ելնելով անվտանգության նկատառումներից:
Մոսկվայում այս տեղեկությունները կեղծ են համարել, որոնց նպատակը պանիկայի տարածումն է հասարակության շրջանում: Պետդումայի միջազգային հարցերով հանձնաժողովի նախագահի տեղակալ Ալեքսեյ Չեպան ասել է, որ շատ ավելի վտանգավոր իրավիճակներ են եղել Սիրիայում, և Ասադն այդ ժամանակ մնացել է իր երկրում և ղեկավարել կառավարական զորքերը:
Ռուսական Новости լրատվական գործակալությունն էլ գրել է, որ տեղեկացված աղբյուրները ամբողջովին հերքում են այս լուրը, Ասադը Սիրիայում է, իսկ նման լուրեր տարածվում են կեղծ աղբյուրների կողմից, որոնց նպատակն է վախի և պանիկայի մթնոլորտը խորացնելը:
