Եթե Մեծ Բրիտանիան որոշի ռազմական օպերացիա սկսել Սիրիայի դեմ, բրիտանական ռազմաօդային ուժերը Դամասկոսին հարված հասցնելու են Կիպրոսից՝ Ակրոտիրի ռազմաբազայից: Այս մասին հայտնում է Times-ը՝ հղում անելով իր աղբյուրին:
«Panavia Tornado կործանիչները գտնվում են թռիչքուղու վրա: Մենք պատրաստ ենք»,-հայտարարել է աղբյուրը:
Թերթը գրում է, որ անհրաժեշտության դեպքում հարվածին միանալու է նաև թագավորական նավատորմի HMS Duncan ռազմանավը:
Այսօր հայտնի է դարձել նաև, որ Մեծ Բրիտանիայի վարչապետ Թերեզա Մեյը կարգադրել է բրիտանական սուզանավերին մոտենալ Սիրիայի ափերին: Նավերը բերված են մարտական պատրաստության և սպասում են կրակ բացելու հրամանին:
