ԱՄՆ-ի, Մեծ Բրիտանիայի և Ֆրանսիայի կողմից այս գիշեր արձակված հրթիռների թիրախը նախագահ Բաշար Ասադը չէ: Այս մասին հայտարարել է Պենտագոնի ղեկավար Ջեյմս Մետտիսը, փոխանցում է ՏԱՍՍ գործակալությունը:
Պատասխանելով հարցին՝ արդյո՞ք արևմտյան երկրները փորձ են արել ոչնչացնել Ասադին՝ Մետտիսն ասել է, որ հարվածի նպատակը եղել է խանգարել սիրիական ռազմական մեքենային քիմիական զենք ստեղծել, այլ թիրախներ չեն եղել:
Սիրիային հարվածելու հրամանն ԱՄՆ նախագահ Դոնալդ Թրամփն արձակել է այս գիշեր, հարվածը տևել է մոտ 50 րոպե: Սիրիական կողմի հավաստմամբ, արձակված հրթիռների 1/3 մասը ոչնչացվել է սիրիական ՀՕՊ-ի կողմից:
ԱՄՆ-ը ռազմական օպերացիան իրականացրել է Բրիտանիայի և Ֆրանսիայի հետ համատեղ: